Ֆեյբուքին մեղադրում են ՀԱՄԱՍ-ին աջակցելու մեջ

Իսրայելական Shurat Hadin իրավապաշտպան խումբը հայց է ներկայացրել ընդդեմ Facebook սոցիալական ցանցի՝ պահանջելով մեկ միլիարդ դոլարի չափով փոխհատուցում տրամադրել պաղեստինցիների հարձակումներից զոհվածների հարազատներին: Ըստ հայցվոր կողմի, ինչպես փոխանցում է BBC-ն, սոցիալական ցանցը աջակցություն եւ միջոցներ է տրամադրել ՀԱՄԱՍ շարժմանը՝ հեշտացնելով նրա համար նոր անդամների հավաքագրումը: Հայցվորների ներկայացրած փաստաթղթում որպես տուժող բերված անձինք նաեւ ԱՄՆ քաղաքացիություն ունեն: Shurat Hadin-ից հայտնում են, որ Ֆեյսբուքը խախտել է Միացյալ Նահանգների օրենսդրությունը, որը արգելում է ցանկացած տիպի աջակցությունը ահաբեկչական հայտարարված խմբավորումներին: ՀԱՄԱՍ-ից, իրենց հերթին, սա սոցիալական ցանցին շանտաժի ենթարկելու փորձ են անվանում եւ մատնանշում, որ, օրինակ, բազմաթիվ իսրայելցի զինվորականներ ՖԲ-ում հպարտանում են պաղեստինցի սպանած լինելով: Facebook-ից հայցը դեռ որեւէ կերպ չեն մեկնաբանել: