86- ամյա կնոջը կիսաքաղց են պահել,մինչև հոգեկանը խանգարվել է. հարսն ահազանգում է

«86-ամյա սկեսրոջս խաբել և ծայրահեղ վիճակի մեջ է գցել Ջերմուկ քաղաքում հայտնի գործարար, հյուրանոցի սեփականատեր Լևոն Մարգարյանը: Մեկ սենյականոց բնակարանը յուրացնելու նպատակով Մարգարյանը խոստացել է խնամել Ելենա Պետրովնային՝ լավ ապրուստով ու պայմաններով: Պայամնով, որ ծեր կնոջ մահից հետո բնակարանը մնա իր ընտանիքին»,- Հայելի.am-ի թղթակցի հետ զրույցում պատմեց ռուսաստանաբնակ Էմմա Ուլյանենկոն: Տիկին Էմմայի փոխանցմամբ՝ սոցիալական ծանր պայմաններից ելնելով՝ ընտանիքով մշտական բնակության են մեկնել Ռուսաստան: Սկզբում սկեսրոջ հետ բնակվել է դուստրը՝ Նոնան, ով ամուսնանալուց հետո տեղափոխվել է ամուսնու բնակարան: Մինչև 2012 թվականը թոռնիկը եղել է Հայաստանում: Վերջինս փաստում է, որ 15 տարի շարունակ տատիկը   աշխատել է Լևոն Մարգարյանին պատկանող հյուրանոցում և համապատասխանաբար չի վճարվել: «Ամուսինս ծանր վիրահատություն տարավ, մենք ահավոր վիճակում էինք: Այս խառը օրերին սկեսրոջս գործատուն համոզել է ծեր կնոջը, որ բնակարանը գրանցի իր անունով: Երբ ես վերջերս եկա՝ Հայաստան, որ սկեսրոջս ինձ հետ տանեմ, պարզեցի, որ նա ապրում է սարսափելի պայմաններում: Մեր նախկինում լավ կահավորված տունը խոզաբնի էր վերածվել: Պարզվեց, որ Աշոտ Մարգարյանի դուստրերը յուրացնում են անգամ Ելենա Պետրովնայի թոշակը ու խեղճ կնոջ սեղանին միայն հաց են դնում: Ծանր սթրեսի պատճառով ծեր կինը հոգեկան խանգարում է ստացել: Պատկերացրեք՝ ամիսներով չէր լողացել: Ջուր եմ տաքացրել ու լողացրել: Սարսափելի վիճակում էր: Ներակումներ և նորմալ սնունդ ստանալուց հետո պատմեց կատարվածը: Ավելի ուշ իր ձեռքով գրություն գրեց, որ պահանջում է վերադարձնել իր տունը»,-պատմեց Էմմա Ուլյանենկոն հավելելով, որ եթե անգամ արդեն հնարավոր չէ ետ բերել կորցրած բնակարանը, ինքը ցանկանում է պատռել Լևոն Մարգարյանի դեմքը: «Այդքան անխիղճ... ո՞նց կարելի է: Տունը իրենով էր արել, գոնե հաց տար խեղճ կնոջը, որի օրերը արդեն հաշված են»,- ասաց տիկին Էմման: Էմմա Ուլյանենկոն կդիմի դատարան և կփորձի վերադարձնել իրենց տունը: Լուսինե Ղազարյան: