Աբխազիայում նախագահի արտահերթ ընտրություններին դեմ են

Հանրաքվեին մասնակցածների գրեթե 50 տոկոսը հանդես է եկել Աբխազիայում նախագահի արտահերթ ընտրությունների դեմ, ՏԱՍՍ-ին հայտնել է ԿԸՀ-ի նախագահ Բատալ Տաբագուան բոլոր ընտրաթերթիկների նախնական հաշվարկից եւ տեղամասային եւ շրջանային ընտրական հանձնաժողովների արձանագրությունների ուսումնասիրությունից հետ: Հանրաքվեին ընտրողների մասնակցությունը    1,23 տոկոս է կազմել: «Հանրաքվեին ընտրողների մասնակցությունը 1,23 տոկոս է կազմել կամ 1628 մարդ, նախագահի արտահերթ ընտրությունների օգտին քվեարկել է 46,07 տոկոսը կամ 750  մարդ, դեմ` 46,74 տոկոսը կամ 761 մարդ: Անվավեր է ճանաչվել 117 ընտրաթերթիկ: Քվեարկության ցուցակներում ընդհանուր առմամբ  132 887 մարդ է եղել», - ասել է Տաբագուան: «Հանրաքվեն չկայացած է ճանաչվել», - ընդգծել է ԿԸՀ-ի ղեկավարը: Այժմ ընդդիմությունը նույն հարցով համաժողովրդական քվեարկություն կարող է սկսել երկու տարուց ոչ շուտ: Հուլիսի 10-ին Աբխազիայում տեղի ունեցած հանրաքվեին մեկ հարց էր դրվել.   «Անհրաժեշտ համարում եք արդյոք Աբխազիայի Հանրապետությունում նախագահի արտահերթ ընտրությունների անցկացումը»: