«Մանչեսթեր Յունայթեդում» խաղալը փառքով կպսակի հայրիկիս հիշատակը. Հենրիխ Մխիթարյան

Հայաստանի հավաքականի ավագ Հենրիխ Մխիթարյանը պաշտոնապես դարձավ «Մանչեսթեր Յունայթեդի» ֆուտբոլիստ։ Հայ կիսապաշտպանը «կարմիր սատանաների» պաշտոնական կայքին տված հարցազրույցում մեկնաբանել է տրանսֆերը։«Շատ հպարտ եմ, որ միացա «Մանչեսթեր Յունայթեդին»։ Այս տեղափոխությունն ինձ համար երազանքի իրականացում էր։ Ես հուզված եմ, որ խաղալու եմ այսպիսի փառահեղ պատմություն ունեցող ակումբում և հույս ունեմ, որ երկար ժամանակ նրա մի մասը կլինեմ։ Շնորհակալ եմ ակումբին և Ժոզե Մոուրինյոյին ինձ վստահելու համար։ Նման մեծ ակումբում խաղալը փառքով կպսակի հայրիկիս հիշատակը, այն ոգևորումն ու ուժը, որը նա տվել է ինձ, երբ դեռ փոքր էի», - ասել է Հենրիխ Մխիթարյանը: