Թուրքիայում ևս 17 կասկածյալ է կալանավորվել

BBC-ի հաղորդմամբ՝ Թուրքիայի իշխանությունները ևս 17 մարդու են կալանավորել Ստամբուլի Աթաթուրքի անվան օդանավակայանում պայթյունների գործի շրջանակում: Ինչպես նշվում է նրանց թվում կա 11 ռուս: Հիշեցնենք, որ Ստամբուլի միջազգային օդանավակայանի տերմինալում պայթյունը որոտացել էր հունիսի 28-ին: Պայթյունի հետևանքով սպանվել էր 44 մարդ, այդ թվում՝ 19 օտարերկրացի, ևս 239 մարդ վնասվածք էր ստացել: Ահաբեկչության կազմակերպման մեջ թուրքական իշխանությունները կասկածում են Չեչնիայի բնակիչ Ահմեդ Չատաևին: