Մխիթարյանը մեծ ազդեցություն կունենա Մանչեսթեր Յունայթեդի խաղի վրա. Իլկայ Գյունդողան
«Հենրիխը «Բորուսիայում» է եղել երեք տարի։ Եթե անկեղծ լինենք, մեկնարկային երկու մրցաշրջանները նրա համար հեշտ չէին։ Նա այնպիսի ֆուտբոլիստ է, ում վստահություն է հարկավոր սեփական ուժերի հանդեպ։ Նրան անհրաժեշտ է անընդհատ խաղալ, ինքնահաստատվել ու ավելի լավը դառնալ։ «Բորուսիան» այն ժամանակ լավ չէր խաղում, ու հարմարվելը Հենրիխի համար հեշտ չէր։ Մխիթարյանը որոշակի խնդիրներ ուներ։ Սակայն նախորդ մրցաշրջանում նա անհավանական խաղ ցուցադրեց։ Հնարավոր է՝ նա նախորդ մրցաշրջանում «Բորուսիայի» ամենակարեւոր խաղացողն էր։ Եթե նա այդկերպ շարունակի, ապա մեծ ազդեցություն կունենա «Մանչեսթեր Յունայթեդի» խաղի վրա։ Նրան մաղթում եմ լավագույնը»,- «Four Four Two»-ի փոխանցմամբ Դորտմունդի «Բորուսիայի» նախկին կիսապաշտպան Իլկայ Գյունդողանը, ով այժմ հանդես է գալիս անգլիական «Մանչեսթեր Սիթիում», մեկնաբանել է Հայաստանի հավաքականի ավագ Հենրիխ Մխիթարյանի տրանսֆերը «Մանչեսթեր Յունայթեդ»։
Հետևեք մեզ Viber-ում
