Ստամբուլը կարող է բախվել էլեկտրէներգիայի պակասի լրջագույն խնդրին

Առաջիկա մի քանի տարում Ստամբուլը կարող է բախվել էլեկտրէներգիայի պակասի լրջագույն խնդրին, եթե համապատասխան ներդրումներ չարվեն։ Այս մասին Պեկինում G-ի երկրների էներգետիկայի նախարարների հետ հանդիպումից հետո լրագրողներին ասել է Թուրքիայի էներգետիկայի նախարար Բերաթ Ալբայրաքը, գրում է Milliyet–ը։ «Հնացած ենթակառուցվածքները արդիականացնելու համար անհրաժեշտ ներդրումների բացակայության դեպքում Ստամբուլը առաջիկա  5 տարում կբախվի էլեկտրաէներգիայի մատակարարման լրջագույն խափանումների»,– ասել է նախարարը՝ հավելելով, որ Ստամբուլը սպառում է Թուրքիայում էլեկտրաէներտգիայի ընդհանուր ծավալի 1/3-ը։ Ալբայրաքի խոսքով՝ կառավարությունը մտադիր է մրցույթ հայտարարել էլեկտրաէներգիայի արտադրության նպատակով ածխի տեղական պաշարների օգտագործումն աստիճանաբար մեծացնելու համար։ Նա նշել է, որ հիմնական նպատակն է հասնել նրան, որ նոր ածխային էլեկտրակայանների ներուժը հասնի ավելի քան 4000 ՄՎտ։