Հերթական ռազմավարական նախաձեռնությունը

«Հարավային գազային միջանցքը» հանդիսանում է Կասպյան տարածարջանի գազի պաշարների եվրոպական շուկա տեղափոխման ռազմավարական նախաձեռնություն, ասել է էներգետիկայի հարցերով Եվրահանձնաժողովի փոխնախագահ Մարոշ Շեֆչովիչը հունական Naftemporiki պորտալին տված հարցազրույցի ժամանակ, հայտնում է trend.az-ը: Նրա խոսքերով` ԵՄ-ն «Հարավային գազային միջանցքի» համար Հարավարևելյան Եվրոպայի շուկաների բացման նպատակով ակտիվացնում է ջանքերը, որի հիմնական խնդիրներից մեկը հանդիսանում է տարածաշրջանում յուրաքանչյուր անդամ-պետության, այդ թվում՝ Հունաստանին, ապահովումը նվազագույնը գազի 3 տարբեր աղբյուրներով: Խոսելով այն մասին, ինչն է կանխորոշել TAP-ի նախագծի գերադասումը մյուսներից (Nabucco, ITGI), Շեֆչովիչը նշել է, որ Տրանս-Ադրիատիկ գազատարը կարևոր նախագիծ է ԵՄ-ի համար և հանդիսանում է առանցքային եվրոպական էներգետիկական անվտանգության ռազմավարությունում: «TAP-ն ունի ուժեղ քաղաքական աջակցություն, ինչպես նաև աջակցություն ներդրողների կողմից, որոնք պակասում են Nabucco-ին и ITGI-ին: Եվրահանձնաժողովը նախկինի պես հակված է սերտ համագործակցման հետաքրքրված կողմերի հետ, և կնպաստի այդ կարևոր նախագծի ժամանակին իրացմանը»,- ասել է նա: «Հարավային գազային միջանցքը» ԵՄ-ի համար հանդիսանում է առաջնահերթ նախագծերից մեկը և նախատեսում է Կասպյան տարածաշրջանից 10 միլիարդ խոր․ մետր ադրբեջանական գազի տեղափոխում Վրաստանով և Թուրքիայով Եվրոպա»,- ավելացրել է Շեֆչովիչը: