Զգուշացում.«Այդ զզվելի լցնովի պաղպաղակը մի՛ գնեք».մասնագետներ.տեսանյութ

«Հատկապես ծնողներին խնդրում եմ՝ զգու՛յշ մնացեք: Այդ զզվելի  լցնովի  պաղպաղակը  մի՛ գնեք: Այն  վաճառելու  համար  հարկավոր  են  սերտիֆիկատներ, համապատասխան պայմաններում պիտի դա արտադրվի, ոչ թե փողոցում: Շաքարավազ ու կաթի փոշի են լցնում պաղպաղակի մեջ: Իրականում դրա տեխնիկական կանոնակարգում ամեն ինչ պետք է նշված լինի: Չի՛ կարելի, որ ով ինչ ուզի, արտադրի»,-այս  մասին  Հայելի  ակումբում  ասաց   Սպառողների ազգային ասոցիացիայի նախագահ Մելիտա Հակոբյանը՝  կոչ  անելով  զերծ  մնալ  փողոցում վաճառվող լցնովի պաղպաղակներից:Բանախոսը  նշեց,որ  ստուգումներ  են  անցկացվել  կաթնամթերք  արտադրող  մի  շարք  ընկերություններում: «Մենք  եղել  ենք   երեք հայտնի ընկերություններում,որտեղ   արտադրանքը համապատասխանել է լաբորատոր բոլոր պահանջներին՝ սկսած շենքային և տեխնիկական պայմաններից, վերջացրած հումքով: Պաղպաղակի շուկայում ևս վիճակը գոհացուցիչ է, շատ ընկերություններում պաղպաղակը պատրաստում են ոչ թե բուսական յուղերով, այլ կարագով»,-ընդգծեց  Մելիտա  Հակոբյան:   Ավելի  մանրամասն՝ տեսանյութում