Չհրապարակված կադրեր Ալեքսանյանի աշխատակցի՝ Ձկնկուլի հարցազրույցից (տեսանյութ)
Նախորդ ամիս Armtimes.com-ն անդրադարձել էր ՀՀ ԱԺ պատգամավոր Սամվել Ալեքսանյանի նախկին աշխատակից Արմեն Իսրայելյանի առեւանգման պատմությանը, որից շատ չանցած նույն Իսրայելյանը երկու անգամ հերքեց իր նախկին հայտարարությունները (Մաս 1, մաս 2) եւ պնդեց, թե տեղյակ չի եղել, որ իր զրուցակիցը լրագրող է եղել, այլ իմացել է, որ «իր ընտանիքի անդամ է»: Ներկայացնում ենք Արմեն Իսրայելյանի հետ մեր նկարահանման այն հատվածները, որոնք չենք հրապարակել մինչ օրս, սակայն անհրաժեշտ ենք համարում դա հանրայնացնել: Հատկանշական է, որ Արմեն Իսրայելյանը պատմելով, թե որտեղ են իրեն պահել ասել է բառացիորեն հետեւյալը. «Իր ա մոտ, բավոնց, բա առանց պահելու: Էտի էն տեղն ա, որ սաղին, ում էլ բերում են էնդե են պահում: Ես էլ եմ… ինք էլ ա ուղարկել, մարդ ենք գնացել բերել, ասենք, իրա հարցերով, բերել են ըտե, իրա պահեստում, արաղի պահեստում»: Հիշեցնենք, ՀՀ Ազգային ժողովի պատգամավոր Սամվել Ալեքսանյանի կողմից իր աշխատակցին՝ Արմեն Իսրայելյանին առեւանգելու «ՀԺ»-ի հրապարակումների հիման վրա Հատուկ քննչական ծառայությունում հարուցվել է քրեական գործ մի քանի դրվագներով: Առավել մանրամասն՝ տեսանյութում:
Հետևեք մեզ Viber-ում
