Հայկական կողմը պետք է սկզբունքորեն դեմ լինի որևէ տարածքի զիջման.քաղաքագետ
«Թուրքիան ներկայումս թևակոխել է խիստ անկայուն նոր փուլ: Թուրքիայի մերձեցումը Ռուսաստանի հետ վտանգներ է իր մեջ պարունակում: Մենք գիտենք, որ սիրաշահելու համար ինչ-որ մի բան պիտի տաս, ինչ-որ մի բան պիտի զիջես:Զիջման տարբերակը Ղարաբաղն է, «լավրովյան ծրագիրը, որն ածանցվում է Կազանի փաստաթղթից, որի մեջ վտանգավոր տարրեր շատ կան» », - լրագրողներին ասաց «Մոդուս Վիվենդի» կենտրոնի ղեկավար Արա Պապյանը և շեշտեց՝ եթե «տարածքներ՝ կարգավիճակի դիմաց» սկզբունքը ՀՀ-ի քաղաքականության մեջ միշտ էլ եղել է, ապա այժմ, ծանոթանալով Կազանի փաստաթղթին, հասկանալի է դառնում, որ դա էլ է նենգափոխվել, և տարածքները ոչ թե կոնկրետ կարգավիճակի կամ խաղաղության դիմաց են, այլ՝ անհասկանալի կարգավիճակի: Նա ընդգծեց, որ ՀՀ ներկա իշխանությունը, մասնավորապես, ՀՀԿ-ն, երբևէ չի հայտարարել զիջելու տարբերակը: «Հայկական կողմը պետք է սկզբունքորեն դեմ լինի որևէ տարածքի զիջման, հատկապես, որ դեռ Ադրբեջանը պետք է 12 000 քմ զիջի, չհաշված Նախիջևանը, որը, վաղ թե ուշ, վերադարձվելու է: Հակառակ դեպքում, զիջումները կլինեն միակողմանի», - ասաց Ա.Պապյանը:
Հետևեք մեզ Viber-ում
