Չատաևը եղել է Միխեիլ Սաակաշվիլիի գործակալը
Sputnik լրատվական գործակալության փոխանցմամբ՝ Վրաստանի՝ փախստականների ու հարկադիր վերաբնակների հարցերով նախարար Սոզար Սուբարին հաստատել է, որ ստամբուլյան օդանավակայանի ենթադրյալ կազմակերպիչ Ահմեդ Չատաևը եղել է երկրի նախկին նախագահ Միխեիլ Սաակաշվիլիի «նախկին գործակալը», և դրա հետ կապված՝ կարող է սկսվել հետաքննություն: «Նա հանրահայտ ահաբեկիչ է, եղել է Սաակաշվիլիի գործակալը և նրանից ստացել է ֆինանսավորում: Սաակաշվիլին մեկը մյուսի հետևից փոխել է նրա անձնագրերը: Երբ խոսքը դրա մասին է, ապա, բնականաբար, գոյություն ունեն համապատասխան ապացույցներ համապատասխան մարմիններում»,- լրագրողներին ասել է նախարարը: Ավելի վաղ Վրաստանի խորհրդարանի՝ պաշտպանական հանձնաժողովի ղեկավար Իրակլի Սեսիաշվիլին հայտարարել էր, որ Չատաևն ունեցել է վրացական անձնագիր և Սաակաշվիլիի կառավարման ժամանակ եղել է վրացական հատուկ ծառայությունների գործակալ: Ստամբուլի օդանավակայանում կատարված ահաբեկչության հետևանքով զոհվել է 44 մարդ, որից 19-ը այլազգիներ են, վիրավորվել է 239 մարդ:
Հետևեք մեզ Viber-ում
