Վարդավառի տոնակատարություններ՝ Գառնիում և Գեղարդում. ֆոտոշարք

Այսօր  Գառնիում և Գեղարդում  Երիտասարդական ակումբների դաշնությունը (FYCA) այս տարի երրորդ անգամ կազմակարեպել էր «Վարդավառ» միջազգային փառատոնը: Լինելով Հայաստանի ամենամեծերիտասրդական կազմակերպությունը` ԵԱԴ-ն առանձնակիորեն կարևորում է երիտասարդ սերնդի շրջանում ազգային արժեքների և ավանդույթների իրացման, ազգային ինքնությունն ու ճանաչողությունը խթանող գործընթացները:hayeli.am-ի հետ զրույցում  ԵԱԴ ղեկավար Ատոմ Մխիթարյանը նշեց, որ  փառատոնի այս տարվա   գլխավոր առանձնահատկությունն ու խորգաիրը ազգային ավանդական խաղերն են: Միջոցառումը միաժամանակ կրում է միջազգային բնույթ, ինչը նպատակ ունի կենտրոնացնել արտասահմանցի զբոսաշրջիկների ուշադրությունը հայկական ազգային տոների վրա` վերածելով դրանք արտաքին զբոսաշրջության համար գրավիչ տարրերից մեկը Հայաստանում: Ինչպես նախորդ տարիներին, այս տարի ևս«Վարդավառ» միջազգային փառատոնը մեկնարկեց Գառնիում` մարզային տաղավարների բացմամբ, որտեղ ամեն մարզ ներկայացնում էր, թե ինչպես են այս տոնն իրենց բնակավայրում դարեր շարունակ նշել մեր նախնիները: