Դատավոր Արթուր Սմբատյանն առողջական խնդիրներ ունի. «Հրապարակ»

«Հրապարակ» օրաթերթը գրում է. «Վերաքննիչ քաղաքացիական դատարանի դատավոր Արթուր Սմբատյանն առողջական խնդիրներ ունի: Մեր տեղեկություններով` վերջերս նա սրտի հետ կապված խնդիրներ է ունեցել, տեղափոխել են հիվանդանոց, ստենտավորում կատարել: Դատավորն արդեն ապաքինվել է եւ աշխատանքի է գնում: Նկատենք, որ այս ամառը վատ է անդրադարձել մեր դատավորների վրա: Մոտ մեկ շաբաթ առաջ էլ Կենտրոն եւ Նորք-Մարաշ դատարանի նախագահ Ռուբեն Վարդազարյանը հեծանիվով շտապելիս է եղել մարզասրահ՝ պարապմունքի։ Ամայի տարածքով ընթանալիս նրա ետեւից շներ են ընկել, նա կտրուկ արգելակել է ու շրջվել։ Դատավորի մոտ ողերի կոտրվածք կար, վիրահատել են, վիրահատությունը բարեհաջող է անցել, սակայն դեռ հայտնի չէ` ինչքան կմնա հիվանդանոցում: Նրա փոխարեն դատարանի նախագահի պաշտոնակատար է նշանակվել Մնացական Մարտիրոսյանը»։