Նախկին նախագահի տներում խուզարկություններ են արել

 TASS-ը հայտնում է,որ  Արգենտինայի իրավապահ մարմինները խուզարկություններ են իրականացրել Արգենտինայի նախկին նախագահ Քրիստինա Կիրշների տներում և գրասենյակներում, օպերացիայի վիդեոկադրերը ցուցադրվել են Todo Noticias հեռուստաալիքի եթերում: Telam գործակալության տվյալով՝ խուզարկություններ են անցկացվել Արգենտինայի միանգամից մի  քանի քաղաքներում, այդ թվում՝ Ռիո Գալիեգոսում, Էլ Կալաֆատեում և Էլ Չալտենում: Գործողության ընթացքում ոստիկանությունը փնտրել է Los Sauces ընկերության գործունեությանն առնչվող փաստաթղթեր, որն զբաղվել է անշարժ գույքի գործարքներով: Կիրշները խուզարկություններն անվանել է քաղաքական հետապնդման հետևանք: «Արգենտինայում վաղուց չէր եղել իշխանության նման չարաշահում և քաղաքական հետապնդում, ես կասեի՝ մի քանի տասնամյակ շարունակ»,- գրել է նա Facebook-ի իր էջում: