Եվրագավաթների մեկնարկային խաղերը թվերով ու փաստերով

Եվրագավաթների 2016/17թթ. խաղարկության մեկնարկը դառը հիասթափություն պատճառեց ֆուտբոլասերներին: Ասպարեզ դուրս եկած հայկական 4 ակումբներից 3-ը պարտվեցին, իսկ «Ալաշկերտը» բավարարվեց գոլազուրկ ոչ-ոքիով: Մեր 4 թիմերը 360 րոպե շարունակ այդպես էլ չկարողացան գտնել մրցակիցների դարպասի բանալին՝ սեփականն ընդունելով 4 գնդակ:   Ավելի անհաջող հայկական թիմերը մեկնարկել էին 1998 (խփած և բաց թողած գնդակների հարաբերությունը՝ 1:15), 2005 (3:11), 2011 (0:9) և 2014թթ. (2:9)՝ պարտվելով բոլոր 4 հանդիպումներում էլ: Համեմատության համար նշենք, որ եվրագավաթների նախորդ խաղարկության մեկնարկում «Փյունիկը», «Շիրակն» ու «Ալաշկերտը» հաղթել էին, իսկ «Ուլիսը» խաղն ավարտել էր գոլազուրկ ոչ-ոքի: Այդ արդյունքը լավագույնն է հայկական թիմերի համար եվրագավաթների մրցաշարերի մասնակցության ողջ ընթացքում:   17-րդ անգամ մասնակցելով եվրոպական գավաթների խաղարկություններին, «Փյունիկը» 8-րդ անգամ մրցաշարը սկսեց պարտությամբ: Միայն 5 անգամ են փյունիկցիները մեկնարկային հանդիպումներում հաղթել, 4 անգամ էլ խաղն ավարտել են ոչ-ոքի: Եվրագավաթների մրցաշարերում «Փյունիկը» 45-րդ խաղն անցկացրեց ու 25-րդ պարտությունը կրեց:   Եվրագավաթների ընթացիկ խաղարկությունը 14-րդն է «Շիրակի» համար: Գյումրեցիները 4 անգամ մրցաշարը սկսել են հաղթանակով, 2 անգամ մեկնարկային խաղն ավարտել են ոչ-ոքի, 8 անգամ մեկնարկել են պարտությամբ: Գյումրեցիները 5-րդ տարին անընդմեջ եվրոպական ասպարեզ դուրս եկան: «Շիրակը» 2-րդ անգամ մրցաշարը պարտությամբ սկսեց: Մյուս 3 մեկնարկները թիմի համար հաղթական էին:   Շարունակությունը կարող եք ընթերցել այստեղ: