Այս տարի նույն դահլիճում չենք տեսնի Գևորգ Կոստանյանին, Աղվան Հովսեփյանին, Վլադիմիր Գասպարյանին
«Հրապարակ» օրաթերթը գրում է. «Այսօր Դատախազության աշխատողի օրն է եւ դատախազության 98-րդ տարեդարձը: Ավանդաբար, այդ օրը շախով-շուխով նշում են` դատախազություն են հրավիրում բարձրաստիճան պաշտոնյաների կառավարությունից, նախագահականից, դատական համակարգից, անգամ «ախոյաններին»` ՔԿ ղեկավար, ՀՔԾ պետ, ոստիկանապետ: Սակայն այս տարի Գեւորգ Կոստանյանը որոշել է Դատախազի օրը նշել համեստ, որեւէ մեկին չեն հրավիրելու դրսից, այդ թվում` ուժայիններից, իրենք իրենցով հավաքվելու են, նիստ անեն, մի երկուսին պարգեւատրեն եւ վերջ: Հրավիրյալների մեջ միայն ԼՂՀ գլխավոր դատախազն է: Այս տարի անգամ խնջույք չեն անելու, Կոստանյանն աշխատակիցներին ասել է, որ ապրիլյան իրադարձությունների ֆոնին չի կարելի ոչինչ նշել: Փաստորեն, այս տարի նույն դահլիճում չենք տեսնի Գեւորգ Կոստանյանին, Աղվան Հովսեփյանին, Վահրամ Շահինյանին եւ Վլադիմիր Գասպարյանին` արտաքուստ հաշտ ու համերաշխ»:
