Ստիպված գնացինք սակագնի բարձրացման.նախարար

Էներգետիկայի և բնական պաշարների նախարար Երվանդ Զախարյանը լրագրողների հետ հանդիպմանը հայտարարեց,որ  2015 թվականին մեր երկրում 7 մլրդ 798 մլն կվ/ժամ էլեկտրաէներգիա է արտադրվել: «Սա 2014 թվականից ավելի է 0,62 տոկոսով: 1 մլրդ 422 մլն կվ/ժամ էլեկտրաէներգիա արտահանվել է դեպի Վրաստան, Իրան և ԼՂՀ:   1 մլրդ խոր.մետրից ավելի բնական գազ ներկրվել է Ռուսաստանից»,-հայտարարեց նա: Անդրադառնալով նախորդ տարի էլեկտրաէներգիայի սակագնի բարձրացմանը, նախարարը նշեց. «Սակագների բարձրացումը ոչ ցանկալի երևույթ է, բայց ստիպված գնացինք դրան: Ունեինք ոչ արդյունավետ կառավարվող համակարգ՝ ի դեմս Հայաստանի էլեկտրական ցանցերի: ՀԷՑ-ը թույլ էր տալիս բավականին կորուստներ, ինչը պայմանավորված էր ոչ արդյունավետ կառավարմամբ»: « «Տաշիր գրուպ»-ի աշխատանքը  դրական եմ  գնահատում: Այս ամիսներին ընկերության կողմից բավականին լուրջ աշխատանք է տարվել: Եթե նախկինում կորուստները ավելի մեծ էին, այսօր 11,1 տոկոս կորուստ ունենք: Այժմ լուրջ սպասելիքներ ունենք ընկերությունից, ներդրումային ծախսերի ճիշտ օգտագործմամբ կունենանք կայուն համակարգ»,-հավելեց նախարարը: