Ստամբուլի ահաբեկչության և ԴԱԻՇ-ի «խալիֆայության» ստեղծման հոբելյանի կապը

Ստամբուլի Աթաթուրքի անվան օդանավակայանում որոտացած 3 պայթունների հետևանքով  վերջին տեղեկությունների համաձայն՝ ահաբեկչության հետևանքով սպանվել է 36 մարդ, ևս 147-ը ստացել է տարբեր աստիճանի վնասվածքներ: «Մենք տեսանք, թե ինչպես է տղամարդն անկանոն կրակ բացում: Նա պարզապես կրակում էր իր դեմ դուրս եկող ցանկացած մարդու վրա: Նա ամբողջովին սև էր հագել, առանց դիմակի էր»,- պատմել է զբոսաշրջիկներից մեկը: Ավելի ուշ հայտնի էր դարձել, որ Ստամբուլի ահաբեկչության պահին օդանավակայանում վայրէջք էր կատարում Ալբանիայի վարչապետի ինքնաթիռը, որը պաշտոնական այցով ժամանել է Թուրքիա: Սկզբապես առաջ էր քաշվում վարկած, որ ահաբեկչության հետևում կարող են կանգնած լինել ինչպես ԴԱԻՇ-ի ահաբեկիչները, այնպես էլ «Քրդական աշխատավորական» կուսակցության (PKK) անդամները: Ավելի ուշ PKK-ն հայտարարել է, որ «հարձակումներ չի իրականացնում խաղաղ բնակչության դեմ, մանավանդ, պատահական մարդկանց, որոնցից շատերը Թուրքիայի քաղաքացիներ չեն ու ոչ մի կապ չունեն թուրք օկուպացիայի դեմ պայքարի հետ»: Թուրքիայի վարչապետ Բինալի Յըլդըրըմը, որը եղել է դեպքի վայրում, հայտարարել է, թե նախնական տվյալները վկայում են այն մասին, որ հարձակման հետևում կանգնած է ԴԱԻՇ-ը: