Brexit-ի վերաբերյալ կա 3 կետ

Գերմանիայի կանցլեր Անգելա Մերկելը Բրյուսելում հնչեցրել է իր ծրագրի 3 կետերը Մեծ Բրիտանիայի Եվրամիությունից դուրս գալու վերաբերյալ, հայտնում է RIA Novwsti-ն: «Մենք այսօր Եվրամիությունում հանդիպում ենք ԵՄ կազմից Մեծ Բրիտանիայի դուրս գալու հանրաքվեից հետո: Սա կլինի Քեմերոնի համար առաջին հնարավորությունը այստեղ` կառավարությունների 27 ղեկավարների առջև արտահայտելու իր գնահատումները: Ինձ համար կարևոր է, որ մենք անցնենք բանակցություններին միայն այն բանից հետո, երբ Մեծ Բրիտանիան հարցում կներկայացնի, այսինքն ձևական կամ ոչ ձևական բանակցությունները կկայանան միայն այն բանից հետո, երբ բրիտանական կառավարությունը կդիմի Լիսաբոնյան պայմանագրի 50-րդ հոդվածին, ապա հարցում կներկայացնի»,- հայտնել է կանցլերը լրագրողներին, ժամանելով պետությունների և կառավարությունների ԵՄ գագաթնաժողովին: «Երկրորդ, ես կարևոր եմ համարում, որ մենք շարունակենք լուծումներ փնտրել ԵՄ հետագա զարգացման համար, ավելի շատ հոգ տանենք աշխատատեղերի, մրցունակության և տնտեսության մասին, որ դա մենք անենք համախմբված` 27-ի ուժերով: Երրորդ` ինձ համար կարևոր է, որ մենք այսուհետև էլ Մեծ Բրիտանիային վերաբերվենք որպես ընկերոջ և գործընկերոջ: Չնայած մենք տեսնում ենք որոշումը, որը մեզ շատ է տխրեցնում, մենք սերտորեն կապված ենք շատ ոլորտներում, և դա այդպես էլ կշարունակվի, և որպես Գերմանիայի կանցլեր, ես դա ասում եմ նաև երկկողմ հարաբերությունների մասին»,- նշել է Մերկելը: