ՀՀ իշխանություններին պակասեց 5 մլն դոլար. Արամ Մանուկյան

Քաղաքական ուժերը, քաղաքացիական ուժերը և Հայաստանում աշխատող միջազգային կառույցները արձանագրել են հաջողություն՝ ԸՕ վերաբերյալ։ Այս մասին ասաց ՀԱԿ պատգամավոր Արամ Մանուկյանը։ «Հասարակության մեջ թեկուզ փոքր վստահության բարձրացումը կոպեկի խնդիր չի։ Ստացվում է՝ մենք քաղաքական դժվար փուլն անցել ենք, հիմա նվնվում ենք, թե 5 մլն դոլարը պատմություն է։ Էշը կերել ենք, պոչի վրա խռովել ենք։ Այսպես չի լինի։ Արդյոք չունի՞ հնարավորություն կառավարությունը՝ այս խնդիրը լուծելու։ Մենք պահուստային ֆոնդ չունե՞նք, այս դեպքերի համար 5 մլն դոլարն ի՞նչ խնդիր է»,-հարցրեց Ա. Մանուկյանը։ Պատգամավորը նշեց, թե չի հավատում, որ կառավարությունն ուզում է որևէ դրական աշխատանք կատարել. «Ծիծաղելի է, ամոթ է և դա ոչ մեկին պատիվ չի բերելու, որ մենք ասենք՝ Հայաստանի ընտրական համակարգում համապետական լուրջ քայլ անելու համար Հայաստանի իշխանություններին պակասեց 5 մլն դոլար»։