Ռուսաստանում ինձ վատ է վերաբերվել մամուլը

Մոսկվայի «Սպարտակից» ամերիկյան «Ռեալ Սոլթ Լեյք» տեղափոխված Յուրա Մովսիսյանը պարզաբանել է իր խոսքը, թե վատ վերաբերմունքի է արժանացել ռուսական ակումբում: «Չեմ կարող մեկնաբանել այդ խոսքերս: Ես ասել եմ այն, ինչ ասել եմ: Ես նկատի չեմ ունեցել «Սպարտակը», հիմնականում՝ մամուլը»,- Յուրա Մովսիսյանի խոսքը մեջբերում է Sovsport-ը: «Ինչ վերաբերում է «Սպարտակում» անցկացրած տարիներին, ապա որքան շատ հաջողությունների էի հասնում այնտեղ, այնքան վատանում էր իմ հանդեպ վերաբերմունքը: Այնտեղ հազվադեպ էր լինում ընտանեկան մթնոլորտ»,- Մովսիսյանի խոսքը մեջբերել էր Desert News-ը: Հիշեցնենք, որ Յուրա Մովսիսյանը «Ռեալ Սոլթ Լեյքում» հանդես եկել է նաեւ 2007-2009-ը: MLS-ի ներկայացուցիչը մինչեւ 2016-ի դեկտեմբերի 1-ը վարձակալել է հայ հարձակվողին, որի տրանսֆերային իրավունքը պատկանում է «Սպարտակին»: