Ուկրաինայից արտաքսված վրացի «օրենքով գողին» կալանավորեցին
Վրաստանում որոշում է կայացվել կալանքի տակ պահել քրեական հեղինակություն, այպես կոչված «օրենքով գող» Դավիդ Գերլիանի Չաչիբային, հայտնում է apsny.ge-ն: Նշենք, որ վրացական օրենսդրությունը թույլ է տալիս կալանավորել «հանցավոր աշխարհի հետ կապեր ունեցողներին» եւ «օրենքով գողերին»: Դավիդ Գերլիանիին, սակայն, օդանավակայանում բերման չէին ենթարկել: Ինչպես պարզվել էր, այնտեղ ուղղակիորեն չէին եղել համապատասխան իրավապահներ: Վրաստանում «օրենքով գողերի» դեմ պայքարը խիստ բնույթ է ստացել Միխայիլ Սահակաշվիլիի իշխանության տարիներից, ինչի շնորհիվ «հանցավոր աշխարհի» վրացի ներկայացուցիչները կամ լքել են երկիրը, կամ ձերբակալվել ու կալանավորվել:
Հետևեք մեզ Viber-ում
