«Լեռնային Ղարաբաղի հակամարտությունը պետք է արագ լուծվի». Ալիև

Ինչպես հայտնում է RIA Novosti-ն Ադրբեջանի նախագահ Իլհամ Ալիևը մեկնաբանել է հունիսի 20-ին Սանկտ Պետերբուրգում Հայաստանի, Ադրբեջանի և Ռուսաստանի նախագահների մասնակցությամբ կայանալիք հանդիպումը և հայտարարել, թե ադրբեջանական կողմը հույս ունի, որ Ղարաբաղի հակամարտությունը խաղաղ կերպով է լուծվելու: «Հաջորդ շաբաթ հանդիպում տեղի կունենա Ռուսաստանում՝ Սանկտ Պետերբուրգ քաղաքում: Հուսով ենք, որ տվյալ հարցը կարող է և պետք է ունենա խաղաղ ճանապարհով լուծում: Դրան հասնելու համար Հայաստանը պետք է հրաժարվի իր նվաճողական քաղաքականությունից և ազատի մեր հողերը»,- Ալիևի խոսքերը մեջբերել է նրա մամուլի ծառայությունը: Ալիևի խոսքով՝ Լեռնային Ղարաբաղի հակամարտության կարգավորման համար «եկել է կոնկրետ քայլեր անելու ժամանակը»: «Լեռնային Ղարաբաղի հակամարտությունը պետք է արագ լուծվի»,- ասել է նա: Միևնույն ժամանակ, Ալիևը հայտարարել է, որ Ադրբեջանը մտադիր չէ շարունակել անբովանդակ բանակցություններ: «Եթե ինչ-որ մեկը կարծում է, թե մենք պետք է շարունակենք անիմաստ բանակցությունները ևս 20 տարի, ապա սխալվում է: Մենք մտադիր չենք վարել անիմաստ բանակցություններ, մենք չենք վարի բանակցություններ՝ հանուն իմիտացիայի: Անհապաղ, անվերապահորեն պետք է սկսվեն իմաստալից, բովանդակային բանակցություններ: Նման դեպքում հնարավոր կլինի մոտեցնել հարցի խաղաղ լուծումը»,- հայտարարել է Ալիևը: