Չմասնակցել Ալիևների ստին. Իսմայիլովա

The Washington Post պարբերականում հրապարակված հոդվածում ադրբեջանցի լրագրող Խադիջա Իսմայիլովան անդրադարձել է Ֆարել Ուիլյամսի, Քրիս Բրաունի և Էնրիկե Իգլեսիասի Բաքու այցին:«Ադրբեջանում պաշտոնյաները կարող են գնվել և վաճառվել, աչքերը կարող են կույր ձևանալ և չնկատել հանցանքները, եթե դրա դիմաց ճիշտ գին է վճարված: Միակ բանը, որ չես կարող գնել, խոսքի ազատությունն է»,- գրել է Իսմայիլովան՝ կոչ անելով չհավատալ և չվսատահել Ալիևներին: Ինչպես գրել է՝ իրեն հետաքրքրում է` Ֆարել Ուիլյամսը և մյուսները այս հանգստյան օրերին Բաքվում կկանգնե՞ն ու կհարցնե՞ն սովորական ադրբեջանցիներին, թե արդյոք նրանք երջանիկ են, կամ արդյոք նրանք ցանկանո՞ւմ են նման հեղինակավոր իրադարձություն տեսնել մի երկրում, որը ձախողում է իր քաղաքացիների համար տարրական առողջապահական ապահովագրական համակարգ ստեղծելու հարցում: «Երկրի իշխանությունները հուսահատորեն փորձում են Ադրբեջանին ներկայացնել իբրև լիբերալ, բազմակարծություն ունեցող երկիր: Միաժամանակ, նրանք սպորտային մեգաիրադարձությունների վրա ծախսում են գումարներ, որը երկիրը չունի` նպատակ ունենալով կուրացնել աշխարհը: Գուցե նրանք, ում ազատությունը ռիսկի տակ է, չի կարող հարցականի տակ դնել ռեժիմին, բայց Իգլեսիասը, Բրաունը կամ Ուիլյամսը կարող են, իհարկե, եթե նրանք ստիպված չեն մասնակցելու ստին»,- ասվում է The Washington Post-ում հրապարակված հոդվածում: