Թուրքիայի հավաքականի պարտությունից հետո ամենուր ծաղրում են ոչ թե խաղացողներին, այլ Էրդողանին

Ֆուտբոլի Եվրոպայի առաջնության շրջանակում երեկ կայացած Իսպանիա-Թուրքիա հանդիպումն ավարտվեց 3:0 արդյունքով: Գերմանական  մամուլն  արձանագրել է, որ պարտությունից հետո սոցկայքերում ծաղրում են ոչ թե ֆուտբոլիստներին, այլ այդ երկրի նախագահին՝ Ռեջեփ Թայիփ Էրդողանին: Հումորային գրառումերը հիմնականում վերաբերում են Էրդողանի՝ Իսպանիայի նկատմամբ  ձեռնարկելիք խիստ միջոցներին. «Պարոն Էրդողանը հենց նոր հետ կանչեց Իսպանիայում Թուրքիայի դեսպանին»,-Panorama.am-ի փոխանցմամբ՝ գրել է FrauZimt-ը: «Շնորհավորում եմ, Իսպանիա: Հիանալի խաղ էր ու հաղթանակ: Բայց մտածել եք, թե ինչ է անելու Էրդողանը ձեզ»,-գրել է մեկ ուրիշը: «Կարծում եմ, Էրդողանը կդատապարտի Իսպանիային»,-արձագանքել է մեկ այլ օգտատեր: «Հիմա պարոն Էրդողանը արգելելո՞ւ է իսպանացիների մուտքը Թուրքիա»,-«մտահոգվել» է մեկ ուրիշը: Նշենք, որ սոցկայքերի հայ օգտատերերն էլ հարևան երկրի նախագահի հնարավոր քայլերի վերաբերյալ մեկնաբանություններ արել էին: «Գուշակեք ո՞վ ա վաղը Մադրիդից Անկարա կանչվելու»,-գրել էր բլոգեր Տիգրան Քոչարյանը: «3:0... Հե՜նց նոր թուրք դեսպանը զանգեց ավիակասսա ու տոմս պատվիրեց առաջին իսկ ռեյսի համար»,-արձագանքել էր մեկ ուրիշ օգտատեր: «Կամ էլ մարզիչին ու թիմին չի թողնի երկիր մտնեն, կհռչակի դավադիր ու դավաճան...»,-գրել էր մյուսը: Ցանցում նաև ծաղրանկարներ են շրջանառվում.