Գերմանիայում ցանկանում են արգելել բենզինով և դիզելային վառելիքով աշխատող ավտոմեքենաները

 Գերմանիայի իշխանությունները մտադիր են երկրում արգելել բենզինով և դիզելային վառելիքով տրանսպորտային միջոցների գործածումը: Life.ru-ն գրում է, որ 2030 թվականից սկսած նման մեքենաները երկրում այլևս չեն կարող հաշվառման դնել: Գերմանական ղեկավարությունը մինչև 2050 թվականը նախատեսում է նվազեցնել ածխածնի երկօքսիդի արտանետումների ընդհանուր մակարդակը 80-95 տոկոսով:  Գերմանիայի բնապահպանության նախարարության տվյալների համաձայն՝ մթնոլորտ արտանետումների մեկ հինգերորդը տրանսպորտային միջոցներից է: Գերմանացիներին խրախուսելու համար, որպեսզի գնեն էկոլոգիապես մաքուր ավտոմեքենաներ, պետությունը կսուբսիդավորի նրանց, ովքեր կորոշեն ձեռք բերել էլեկտրական կամ հիբրիդային ավտոմեքենա: Նման միջոցներով Գերմանիայի իշխանությունները ծրագրում են  մինչ 2020 թվականը էլեկտրական մեքենաների վաճառքը հասցնել 500 հազարի: 2016-ի հունվարի դրությամբ Գերմանիայում գրանցված է 130 հազար հիբրիդային և 25 հազար էլեկտրոմոբիլ: