Թուրքիայում աճել է ինքնասպանությունների թիվը

Թուրքիայի վիճակագրական ինստիտուտը (TÜİK) հրապարակել է 2015 թվականին կատարված ինքնասպանությունների վերաբերյալ վիճակագրական տվյալները:Այս մասին հաղորդում է  ermenihaber-ը՝ հղում կատարելով թուրքական Sozcu թերթի կայքին: Ըստ ներկայացված տվյալների՝ 2015-ին ինքնասպան է եղել  3.211 քաղաքացի: Այս ցուցանիշը  2014-ի համեմատությամբ աճել է 1.3 տոկոսով: Ինքնասպանների 72.7 տոկոսն արական, իսկ 27.3 տոկոսն իգական սեռի ներկայացուցիչներ են: Ըստ տարիքային խմբերի ներկայացված տվյալների՝ ինքնասպան եղած իգական սեռի ներկայացուցիչների 18 տոկոսը 15-19 տարեկան է եղել, իսկ տղամարդկանց տարիքային խմբերից ամենաշատն ինքնասպան են եղել 20-24 տարեկանները՝ 12.8 տոկոս: Տղամարդկանց 33.3 տոկոսը, իսկ  կանանց 46 տոկոսը 30 տարեկանից փոքր են եղել: