Նոր սկանդալ. կոնգրեսականները հետ են վերադարձրել Ադրբեջանից ստացած հազարավոր դոլարների նվերները

Ամերիկյան օրենսդիրները, ովքեր այցելել էին Ադրբեջան և հենց ադրբեջանական կառավարության կողմից գաղտնի ֆիանանսավարմամբ ստացել են բազմաթիվ նվերներ, հետ են վերադարձրել (նեֆրիտից ականջօղեր, թեյի հավաքածուներ, մետաքսե շարֆեր, ձեռագործ գորգեր և այլն): Այս մասին հաղորդում է ամերիկյան The Hill-ը` հղում անելով վերահսկիչ մարմնի զեկույցին, որտեղ ճամփորդությունը սխալ է որակվել: Օրենսդիրները մասնակցել են Բաքվում 2013 թ-ին տեղի ունեցած կոնֆերանսին: Կոնգրենի ներկայիս 9  և աշխատակազմի 32 անդամներ մասնակցել են կոնֆերանսին: Ըստ Կոնգրեսի էթիկայի հանձնաժողովի՝ բոլորն էլ ստացել են հազարավոր դոլարներ արժեցող նվերներ: Ներկայացուցիչների պալատի էթիկայի հանձնաժողովի կողմից զեկույցի ներկայացումից մեկ շաբաթ առաջ Կոնգրեսի անդամները, ովքեր այցի ժամանակ նվերներ են վերցրել, հետ են տվել դրանք: OCE-ի զեկույցն ամերիկացի օրենսդիրների ադրբեջանական այցի մասին ներկայացվել է Կոնգրեսի Էթիկայի հանձնաժողովին 2015թ. մայիսի 8-ին: Այդ մասին որոշ տեղեկություններ կարողացել էր ստանալ նաև Washington Post-ը, որը հետագայում ներկայացրել էր զեկույցի որոշ դետալներ: Դիտորդական խումբը հայտնել է, որ Տեխասի հասարակական կազմակերպությունները կեղծ հայտարարություններ են արել՝ նշելով, որ իրենք են վճարում ուղևորության համար, այնինչ կոնգրեսականների այցի համար վճարել է Ադրբեջանի SOCAR պետական ընկերությունը, որը դա արել է հասարակական կազմակերպությունների միջոցով՝ հատկացնելով 750 հազար դոլար: OCE-ն պարզել է, որ օրենսդիրները և նրանց օգնականները չէին կարող չիմանալ, թե ով է ֆինանսավորում ուղևորությունը: Ադրբեջանի պետական նավթային ընկերությունը հերքում է կատարվածը՝ նշելով, թե հ/կ-ները գործում ներգրավվել են՝ օգնելու ամերիկացի օրենսդիրներին՝ պայմանավորվածություններ ձեռք բերելու համար: