Նրանք Սովետաշենի զիբիլանոցում գինովցած բոմժերի սեռական հարաբերությունների վաղաժամկետ ծնունդ են. Գեղամյան

Այսօր կառավարության կողմից ներկայացված ՀՀ Քաղաքացիական օրենսգրքում փոփոխություններ եւ լրացումներ կատարելու մասին հարցի քննարկման ժամանակ իր ելույթում ՀՀԿ խմբակցության անդամ Արտաշես Գեղամյանն անդրադարձավ տեղեկատվական դիվերսիաներին: Այնուհետև նշեց, որ կան կայքեր, որոնք ունեն իր խոսքերով՝ «կոյուղատարի համբավ» ու իր հասցեին հայհոյանքներ են հրապարակել: Նման լուտանքների պատճառը եղել է «Ղարաբաղյան ճակատում անփոփոխ է» գրքի հրապարակումը: Գեղամյանը վստահեցրեց, որ իր գրքերը իրականում սարսափելի խոցելի են դարձնում Ադրբեջանի դիրքերը ու թուրք-ադրբեջանական քարոզչամեքենան չէր կարող անտարբեր անցնել իր կողքով. «Ելույթներիցս ու գրքի հրատարակումից հետո մեկ էլ հայհոյանք եմ կարդում Samoarm1 կայքում: Որոշ կասկածներ առաջացավ, որ կարող է հայեր են կանգնած դրա հետեւը: Եվ եթե հայեր են, ապա երեւանյան բարբառով ասած՝ նրանք ոչ այլ ոք են, քան Սովետաշենի զիբիլանոցում գինովցած բոմժերի սեռական հարաբերությունների վաղաժամկետ ծնունդ»: Այնուհետև ԱԺ ամբիոնիցդիմեց Ռոբերտ Քոչարյանին, Սամվել Բաբայանին, Վարդան Օսկանյանին. «Ձեզ գովերգող կայքերի գամերը քաշեք: Եթե ձեզ թվում է ես պետք է այս կամ այն դուրսընկած լրագրողին քննադատեմ՝ սխալվում եք: Մի՛ արեք, որ ես իմ տարերքի մեջ ընկնեմ ու սկզբից մինչեւ վերջ հիմնավոր կերպով քննադատության թիրախ դարձնեմ ձեզ: Հավատացնում եմ, հարկադրված կլինեք գոնե ժամանակավոր ձեր պռոպիսկան անգամ փոխեք»: