Ուկրաինայի հավաքականը 0:2 հաշվով պարտվեց
Ֆրանսիայում շարունակվող Եվրո-2016-ի C խմբի երկրորդ տուրում Ուկրաինայի հավաքականը 0:2 հաշվով պարտվեց Հյուսիսային Իռլանդիային: Լիոնում կայացած հանդիպման երկրորդ խաղակեսի սկզբնամասում անգլիական «Վեստ Բրոմվիչի» պաշտպան Գարեթ Մաքոլինը խփեց բրիտանացիների առաջին գոլը, իսկ երկրորդ գնդակը գրանցվեց ավելացված ժամանակում: Այն իր անվան դիմաց գրանցեց փոխարինման դուր եկած Նիլ Մքգրինը: 58-րդ րոպեին խաղը դադարեցվեց կարկուտի պատճառով: Թիմերը հանդերձարան տանող թունելում մի քանի րոպե սպասեցին կարկուտի ավարտին, իսկ հետո վերադարձան խաղադաշտ եւ վերսկսեցին խաղը: Եվրո-2016. C խումբ, երկրորդ տուր Ուկրաինա - Հյուսիսային Իռլանդիա՝ 0:2 Գարեթ Մաքոլի, 49, Նիլ Մքգրին, 90+6 Ուկրաինա. Անդրեյ Պյատով - Արտյոմ Ֆեդեցկի, Յարոսլավ Ռակիցկի, Եվգենի Խաչերիդի, Վյաչեսլավ Շեւչուկ, Տարաս Ստեպանենկո, Սերգեյ Սիդորչուկ (Դենիս Գարմաշ, 74), Անդրեյ Յարմոլենկո, Վիկտոր Կովալենկո (Օլեքսանդր Զինչենկո, 84), Եվգենի Կոնոպլյանկա, Եվգենի Սելեզնյով (Ռոման Զոզուլյա, 71): Հյուսիսային Իռլանդիա. Մայքլ Մաքգովերն - Գարեթ Մաքոլի, Ջոնի Էվանս, Քրիս Բերդ, Աարոն Հյուզ, Քորի Էվանս, Քրեյգ Քեթքարթ, Սթյուարթ Դալաս, Օլիվեր Նորվուդ, Ջեյմի Ուորդ (Նիլ Մքգրին, 69), Քոնոր Վաշինգտոն (Ջոշ Մագենիս, 84):
Հետևեք մեզ Viber-ում
