«Եզդիների ցեղասպանությունը շարունակվում է». ԴԱԻՇ-ը ցեղասպանություն է իրականացրել եզդիների նկատմամբ. ՄԱԿ
ԻՊ ահաբեկչական խմբավորումը Սիրիայում եզդի ազգության հանդեպ ցեղասպանություն է իրականացրել, մարդկության դեմ եւ ռազմական հանցագործություններ, ասված է ՄԱԿ-ի Սիրիայի վերաբերյալ հետաքննության անկախ հանձնաժողովի զեկույցում, հայտնում է «ՌԻԱ Նովոստին»: Զեկույցը, որը ներկայացվել է Ժնևում ՄԱԿ-ի հանձնաժողովի կողմից Մարդու իրավունքների հարցով 32-րդ նստաշրջանի ժամանակ, հիմնվում է այն 45 մարդկանց հարցազրույցների հիման վրա, որոնք փրկվել են ԴԱԻՇ-ի գերությունից: «ԴԱԻՇ-ն իրականացրել է ցեղասպանություն, ինչպես նաև մարդկության դեմ գործած հանցագործություններ և ռազմական հանցագործություններ եզդիների նկատմամբ, որոնցից հազարավորները պատանդ են պահվում Սիրիայում, որտեղ ենթարկվում են աննկարագրելի սարսափների: ԴԱԻՇ-ի զինյալները ոչնչացրել են եզդիներին՝ սպանելով նրանց, պարտադրելով սեքսուալ ստրկության, կտտանքների ենթարկելով նրանց, ինչպես նաև բռնի տեղահան անելով և դրանով իսկ հանգեցնելով ֆիզիկական վնասվածքների և մտավոր խանգարումների: ԴԱԻՇ-ի ու նրա զինյալների հրապարակային ելույթներն ու վարքը հստակ ցույց են տալիս, որ խմբավորումը Սինջարում մտադրվել էր ոչնչացնել եզդիներին, որն աշխարհում եզդիների ամենամեծ բնակավայրն է»,- ասվում է զեկույցում:
Հետևեք մեզ Viber-ում
