«Ալիևի տգետ որդին էլ է այս տարի ավարտում բակալավրիատը». Ադրբեջանը նախապատրաստվում է

Ադրբեջանի խորհրդարանը հաստատել է նախագահ Իլհամ Ալիևի կողմից նախաձեռնված՝ «Զինվորական ծառայության մասին» օրենքում փոփոխություններ իրականացնելու նախագիծը,ինչն էլ դժգոհությունների առիթ է հանդիսացել: Շարքային ադրբեջանցիները համոզված են, որ օրենքում տեղ գտած փոփոխություններն իշխանության ներկայացուցիչները նախաձեռնել են իրենց զավակներին բանակից տարկետում տրամադրելու նպատակով: Ինչպես գրում են տեղի ԶԼՄ-ները՝ նախաձեռնությունը նպատակաուղղված է Իլհամ Ալիևի որդու՝ կրտսեր Հեյդար Ալիևի ուսման անխափան ընթացքն ապահովելուն: Որպես օրինակ՝ հնչել է այսպիսի կարծիք՝ «Նախագահի տգետ որդին էլ է այս տարի ավարտում բակալավրիատը, հավանաբար հայրը նրա համար է օրենքը փոխում»: