Վարկերն ինչի՞ համար են.«Սբ. Սերժ ամենափրկիչ» եկեղեցու կառուցմա՞ն համար
Հայաստանի Հանրապետության եւ Վերակառուցման եւ զարգացման միջազգային բանկի միջեւ 2016 թվականի մայիսի 12-ին ստորագրված «Էներգետիկայի ոլորտի ֆինանսական առողջացման ծրագիր» վարկային համաձայնագրի քննարկմանը նախագծի հիմնական զեկուցող Էներգետիկայի եւ բնական պաշարների նախարարի տեղակալ Արեգ Գալստյանին հարցադրմամբ դիմեց պատգամավոր Նիկոլ Փաշինյանը. «Վերջին 3 տարիներին էլեկտրաէներգիայի սակագնի թանկացումները:Այդ թանկացումներն ամեն անգամ հիմնավորում էին նույն բառապաշարով, որով հիմա այս վարկն եք ներկայացնում. ճեղքվածք ու թերվճարում կա, պարտքեր ունեն ատոմակային ու ՋԷԿ-ին, հոսանքի գինը բարձրացվում էր, որ մենք սպառողներս ավելի վճարենք, որպեսզի ՀԷՑ-ը վճարի այն պարտքը, որն ունի Երեւանի ՋԷԿ-ին, Հրազդանի ատոմակայանին, մյուս արտադրողներին: Սակագները բարձրացրել ենք, որ ճեղքվածքը փակենք, հիմա էլ ճեղքվածի համար վարկ ենք վերցնում»,-ասաց նա և հետաքրքրվեց նաեւ այն հարցի վերաբերյալ, թե ինչպե՞ս է ստացվել, որ Հայաստանի էլեկտրաէներգիա արտադրողների՝ օրինակ ատոմային էլեկտրակայանի ու Երեւանի ՋԷԿ-ի նկատմամբ ՀԷՑ-ը պարտքեր է կուտակել, բայց ոչ մի պարտք չի կուտակել Հրազդանի ՋԷԿ-ի, Հրազդանի հինգերորդ բլոկի, Սեւան-Հրազդան կասկադի նկատմամբ, որոնց հետ համագործակցության կապեր ունի:Բա մեր Կառավարությունն ինչո՞վ է զբաղված եղել, որ չի կարողացել պահպանել մեր պետական ձեռնարկությունների շահերը»: «Ասում եք գործունեության հետ չկապված վարկեր, միջոցներ են ներգրավվել, էդ ին՞չ վարկեր են, ինչի՞ համար են ներգրավել, էստեղ էլ գործ ունենք, երբ օրինակ Հովիկ Աբրահամյանի խնդրանքով «բարեգործական» նպատակով եկեղեցու կառուցման համար փող են փոխանցել, օրինակ Սուրբ Հովհաննես ամենափրկիչ կամ Սուրբ Սերժ ամենափրկիչ եկեղեցու կառուցման համար, էդ ի՞նչ գործունեության հետ չկապված վարկեր են»,-հարցրեց նա: Ատոմակայանի տուրբոգեներատորներից մեկը որոշ ժամանակով չի աշխատել, կապիտալ վերանորոգման անհրաժեշտություն կարիք է եղել, եւ այդ չարտադրված էլեկտրաէներգիան նույնպես ատոմակայանը արտադրել է ամենաէժան էլեկտրոէներգիաներից,հիշեցրեց փոխնախարարը և հավելեց «Եվ այդ դեֆիցիտը նույնպես արտադրեցինք ջերմային էլեկտրակայաններից, իսկ դեֆիցիտ էլեկտրոէներգիա արտադրելը բերեց նրան, որ ստիպված եղանք ֆինանսական ռեսուրսներ գտնել, որպեսզի կարողանա կատարել իր պարտավորությունները:
Հետևեք մեզ Viber-ում
