Մենք՝ հայերս, պետք է մեր պատասխանն ասենք Ռուսաստանին և շատ չհուզվենք.Էդվարդ Միլիտոնյան

Մեկնաբանելով օրերս Ռուսաստանի արտգործնախարարության պաշտոնական ներկայացուցիչ Մարիա Զախարովայի՝ Գարեգին Նժդեհի արձանի վերաբերյալ հնչեցրած բացասական որակումները, այն մասին,որ  նա  «անհասկանալի» էր համարել Երևանի կենտրոնում Նժդեհի արձանի տեղադրումը` անվոնելով նրան «նացիստ» ,Հայելի ակումբում հրավիրված ասուլիսում  Հայաստանի գրողների միության նախագահ Էդվարդ Միլիտոնյանը նշեց. «Դա քաղաքական ենթատեքստ ունեցող հայտարարություն էր, և նրանք սևեռվել էին զուտ Նժդեհի՝ Ֆաշիստական Գերմանիայի հետ համագործակցության վրա:Վերցնել միայն Գերմանիայի հետ համագործակցությունը որպես պատրվակ և Արտգործնախարարի շուրթերով բարբառել, դա խիստ միակողմանի է։ Նա Զանգեզուրի, Ղարաքիլիսայի մարտերում է եղել։ Այս պատմությունները գուցե ռուսները չգիտեն էլ։ Մենք էլ ինչ-որ տեղ ունենք թերացումներ. մեր հերոսներին չենք կարողանում ներկայացնել աշխարհին ֆիլմերով, թարգմանական նյութերով»։ Էդվարդ  Միլիտոնյանի խոսքով՝ մենք՝ հայերս, պետք է մեր պատասխանն ասենք Ռուսաստանին և շատ չհուզվենք, երբ մեզ ինչ-որ բան են ասում։ ընդհանուր առմամբ՝ մեր մտավորականները չեն նեղանում Ռուսաստանից։