Ճիշտ են ասում, որ գյումրեցի վարորդները շումախերներ են.Հովհաննես Մարգարյան

ԱԺ արտահերթ նիստում այսօր քննարկվում է «ՀՀ եւ Վերակառուցման եւ զարգացման եվրոպական բանկի միջեւ 2016թ.  մայիսի 11-ին ստորագրված «Գյումրու քաղաքային ճանապարհներ» վարկային համաձայնագիրը»: ՕԵԿ պատգամավոր Հովհաննես Մարգարյանը շնորհակալություն հայտնեց նախագծի բոլոր հեղինակներին. «Գյումրիին հարկային արտոնություններ տալու մասին նախագիծ է ներկայացրել, որով մասնավորապես նախատվություն կտրվի գյումրեցի շինարարներին: Եկեք բոլորս միավորվենք. նախագիծը բաց է:«Գյումրիում բոլորս գիտենք՝ ով-ով է, ում տղան է, ում կաթն է կերել, ովքեր են մամն ու պապը: Ինչպես ասում են՝ վերքը տիրոջն է ցավ տալիս. մենք գիտենք՝ ինչ բան է դա: Փառք ու պատիվ այն մարդկանց, որոնք անկեղծորեն տեր են կանգնում, որ գյումրեցին մեջքը շտկի, քանի որ Գյումրին կա ու մնում է նամուսի, թասիբի, արվեստի, սպորտի քաղաք: Ճիշտ են ասում, որ գյումրեցի վարորդները շումախերներ են. կան փողոցներ, որտեղ մեքենան վերածվեց լոդկայի՝տպավորությունն այդպիսին էր»: Նա խոսեց Գյումրիի մյուս խնդիրներից. «Ինչպես ասում են՝ հնձածներդ խոտ չի՞. մենք լավ հիշում ենք՝ ինչ արեց «Գլենդել հիլզ»-ը, որտեղ ոչ մի գյումրեցի չի աշխատել: Ես խոնարհվում եմ Քըրք Քըրքորյանի առաջ, որ Լինսի ծրագրով շինարարությանը գյումրեցիներ աշխատեցին: Գյումրին ժամանակին ուներ հեծանիվի գործարանից մինչեւ կուկլի գործարան: Մեծանուն Շիրազին հարցնում են՝ ինչո՞ւ ես մենակ շրջում, իսկ նա ասում է՝ առյուծները մենակ են շրջում, գայլերն են ոհմակով շրջանում: Կամ ինչպես Ավետիք Իսահակյանն է ասում՝ ուրիշի գրկում նստած սեր է խոստանում: Հլը վարկը ձեռք չվերցրած, պարզվեց, որ արդեն յոթ հարյուր հազար եվրոն արդեն փոխանցվել է, արդեն ծախսվել է՝ խորհրդակցության համար, թե տասը փողոցից որը ընտրեն: Գյումրեցին ինքը շատ լավ գիտի՝ որ փողոցը պետք է վերանորոգվի: Մենք ուզում ենք, որ արդյունավետ ծախսվեն այս գումարները. Տոկոսները, ի վերջո, սպասարկելու է Գյումրին:Այս համաձայնագրին պետք է բոլորը կողմ քվեարկեն:Եւ արժանապատիվ գյումրեցին կունենա կարգին փողոցներ»: