Ադրբեջանի ՀՆԱ-ն այս տարի կրճատվել է

Ադրբեջանական APA լրատվական գործակալության փոխանցմամբ՝ 2016 թվականի հունվար-մայիս ամիսներին Ադրբեջանի ՀՆԱ-ն կազմել է 21 միլիարդ 512.8 միլիոն մանաթ (1 դոլարը համարժեք է 1.52 մանաթի): Ընդգծվում է, որ դա 4 տոկոսով զիջում է նախորդ տարվա հաշվետու ժամանակահատվածի ցուցանիշին: ՀՆԱ-ի կրճատման հիմնական պատճառը ապրանքների ու ծառայությունների ցուցանիշների նվազումն է շինարարական ու տրանսպորտային ոլորտներում: ՀՆԱ-ի 39.8 տոկոսը բաժին է ընկել արդյունաբերությանը, 12.2 տոկոսը՝ ապրանքներին ու ծառայություններին, 8.6 տոկոսը՝ շինարարությանը: Մեկ շնչին բաժին ընկնող ՀՆԱ-ի չափը կազմել է 2239.4 մանաթ: