«Բարսելոնա»-ն կտուգանվի 5․5 մլն եվրոյով

Կատալոնական «Բարսելոնա»-ի ղեկավարությունը Նեյմարի տրանսֆերի հետ կապված աղմկահարույց գործի շրջանակներում ընդունել է փաստաբանների առաջարկը։ Ակումբը խոստովանել է, որ 2011 և 2013թթ ֆինանսական տարվա հաշվետվություններում կատարվել են սխալներ, որոնք մեծապես կապված են նաև վերոգրյալ տրանսֆերի հետ։ Sport.es-ի փոխանցմամբ՝ Իսպանիայի գործող չեմպիոնը կտուգանվի 5․5 մլն եվրոյով։ Ավելի վաղ թե՛ Նեյմարը, թե՛ «Բարսելոնա»-ն մեղադրվում էին տրանսֆերի իրական արժեքը թաքցնելու և հարկերի վճարումից խուսափելու մեջ։ Փաստաթղթերում որպես տրանսֆերի արժեք նշված է 57․1 մլն եվրո, սակայն իրավապահ մարմինները պնդում են, որ տեղափոխության արժեքը զգալիորեն բարձր է։