Սերժ Սարգսյանը իր իշխանությունը երկարացնելու նպատակով շահարկում է Արցախի խնդրի լուծումը

«Նոր Հայաստան» հանրային փրկության ճակատի քաղաքական խորհրդի անդամ Ժիրայր Սեֆիլյանը այսօր լրագրողների հետ հանդիպման ընթացքում նշեց, որ իրենք ականատեսն են, թե ինչպես այդ մարդիկ, արտաքին գործոնը օգտագործելով, շահագործելով՝ մեր երկիրը մաս- մաս վաճառել ու կարողացել են պահել իրենց իշխանությունը: «Երկար տարիներ են մենք ականատես ենք եղել և ականատեն ենք այժմ ևս, թե իշխող ռեժիմի գլխավոր մտահոգությունը որն է եղել. գլխավորապես մեկ մտահոգություն են ունեցել՝ իշխանությունը վերարտադրելը: Եվ այդ խնդիրը լուծելու համար կանգ չեն առել որևէ միջոցի առաջ, այդ միջոցների  մեջ եղել է նաև մեր երկիրը մաս առ մաս վաճառելը: Բոլորս այս տարիների ընթացքում ականատես ենք եղել, թե ինչպես այդ մարդիկ, արտաքին գործոնը օգտագործելով, շահագործելով՝ մեր երկիրը մաս- մաս վաճառել ու կարողացել են պահել իրենց իշխանությունը: Այլևաս բան չի մնացել վաճառելու, հերթը հասել է Արցախին»,- հայտարարեց նա: Ազատամարտիկի խոսքով՝ Սերժ Սարգսյանը իր իշխանությունը երկարացնելու նպատակով շահարկում է Արցախի խնդրի լուծումը՝ դրա դիմաց մեծ խոստումներ ստանալով, դրանց մեջ գոյություն ունեն նաև մեծ գումարներ, որոնց միջոցով նա պիտի կարողանա իր իշխանությունը երկարացնել: Նրա դիտարկմամբ՝ տարիներ շարունակ իշխանությունները փորձել են քարոզչական միջոցներով ժողովրդին «մշակել» այնպես, որ մեծամասնությունը կողմ լինի ազատագրված տարածքները զիջելուն: