«Մոսկվան չի հասկանում, թե ինչու է տեղադրվել այդ հուշարձանը»
ՌԴ ԱԳՆ պաշտոնական ներկայացուցիչ Մարիա Զախարովան, РИА-ի փոխանցմամբ, ասել է, որ «Մոսկվան զարմացած է Երեւանում Վերմախտի «Հայկական լեգեոնի» ստեղծողներից մեկի հուշարձանի տեղադրմամբ»: Զախարովան հայտնել է, որ Ռուսաստանի դիրքորոշումը Մեծ հայրենական պատերազմի, ինչպես նաեւ նացիզմի, նեոնացիզմի եւ ծայրահեղականության վերաբերյալ շատ հստակ է, ինչը ձեւակերպված է միջազգային փաստաթղթերով, ուստի, ըստ Զախարովայի, Մոսկվան չի հասկանում, թե ինչու է տեղադրվել այդ հուշարձանը: Միեւնույն ժամանակ, ըստ РИА-ի, Զախարովան նշել է հայ ժողովրդի դերը Մեծ հայրենական պատերազմում եւ Երկրորդ համաշխարհային պատերազմում: Այս համատեքստում Զախարովան շեշտել է, որ Հայաստանը ՄԱԿ-ի՝ նացիզմի եւ ռասիզմի դեմ պայքարի կոչ անող բանաձեւի համահեղինակ է, նշելով, որ Հայաստանի դիրքորոշումը Մեծ հայրենական պատերազմի վերաբերյալ արտահայտվում է Մայիսի 9-ի տոնակատարությունների նկատմամբ վերաբերմունքով:
Հետևեք մեզ Viber-ում
