2016թ. պետբյուջեի ծախսերը «բազեաբուծական են».Լևոն Զուրաբյան
«Ապրիլյան պատերազմից հետո առավել պարզ դարձավ, որ մենաշնորհները, կոռուպցիան «այս արատավոր համակարգը դարձել են ազգային անվտանգության խնդիր»: Մենք միշտ ասել ենք, որ մեր խոցելի տեղը տնտեսությունն է, և եթե շարունակվի այդ քաղաքականությունը, մենք ունենալու ենք կորուստներ», -Ազգային ժողովում ճեպազրույցների ժամանակ նշեց ԱԺ «Հայ ազգային կոնգրես» խմբակցության ղեկավար Լևոն Զուրաբյանը: 2015 թվականի պետական բյուջեի կատարողականը քննարկելիս բացահայտել են, թե որքան անարդյունավետ ծախսեր են կատարվել բյուջեից ասաց նա և հավելեց, որ թեև դեմ չեն, որ բյուջեի ծախսերը 109 միլիարդ դրամով ավելացել են, սակայն խնդիր է տեսնում, որ դա չի եղել տնտեսության աշխուժացման հետևանքով, այլ դրանք կառավարական ծախսեր են, որոնցից տնտեսությանը ոչ մի օգուտ չեն բերում և դրանք «բազեաբուծական են» ծախսեր են: Լևոն Զուրաբյանը առաջարկեց արտահերթ նստաշրջանով վերանայել 2016 թվականի պետական բյուջեն՝ հաշվի առնելով նոր իրողությունները, մարտահրավերները: «Եթե դա չեն անում, ստացվում է, որ չեն ընդունում քննադատությունը և չեն ցանկանում ոչինչ շտկել»,-ասաց նա:
Հետևեք մեզ Viber-ում
