«Միլոշ Զեմանի ասածը հստակ ազդակ էր Էրդողանին եւ նրա թիմին»
Չեխիայի նախագահ Միլոշ Զեմանի հայտարարությունը հստակ ազդակ էր Թուրքիային։ Այդ մասին ՀՀԿ ԳՄ նիստից հետո լրագրողների հետ զրույցում ասել է ԱԺ փոխնախագահ, ՀՀԿ մամուլի քարտուղար Էդուարդ Շարմազանովը։ Չեխիայի նախագահը իր պատվին ընդունելությանն ասել է, թե նրանք, ովքեր ժխտում են այդ ցեղասպանությունը, հենց նրանք են, ովքեր ժխտում են հոլոքոստը: «Նրանք պարզապես վախկոտներ են: Խոսում են մարդու իրավունքների մասին. որոշ մարդկանց համար մարդու ամենագլխավոր իրավունքը ցույց անելն է կառավարության դեմ»,- ասել էր Զեմանը: Շարմազանովը չափազանց կարեւոր է գնահատել Զեմանի հայտարարությունը։ «Միլոշ Զեմանի ասածը հստակ ազդակ էր Էրդողանին եւ նրա թիմին»,- ասել է Շարմազանովը։ Նա մեկ անգամ եւս ընդգծել է, որ ՀԱՊԿ-ն, չնայած իր բոլոր թերություններին, մեր անվտանգության միակ համակարգն է, եւ Հայաստանը չի կարող լինել այն կառույցում, ոտեղ Թուրքիան է։ «Հայաստանի թշնամիները Թուրքիան է՝ պանթուրքիստական գաղափարախոսությամբ, եւ նրա կրտսեր եղբայր Ադրբեջանը։ Պետք չէ հյուսիսում կամ այլուր թշնամիներ փնտրել»,- նշել է Շարմազանովը։
Հետևեք մեզ Viber-ում
