Թեթեւ վերաբերմունք է նման լուրջ նախագիծը քննարկման բերել ԱԺ քառօրյայի վերջում. Արամ Մանուկյան

ԱԺ-ում Հարկային օրենսգրքի նախագծի քննարկման ընթացքում Արամ Մանուկյանը նշեց, որ առնվազն թեթեւ վերաբերմունք է նման լուրջ նախագիծը քննարկման բերել ԱԺ քառօրյայի վերջում։ «Երեկ չէ առաջին օրն ենք ստացել այս փաստաթուղթը։ Մենք շատ լուրջ ենք վերաբերվում դրան, բայց խնդիրն այն է, որ ոչ թե մենք չենք կարդացել, այլ որեւէ տնտեսագետ, փորձագետ չի կարդացել այն։ Մեր մասնագետին մեկ անգամ են հրավիրել, ոչ մի քննարկում չի եղել։ Մեր խմբակցությունը ֆիզիկապես հնարավորություն չունի մասնակցել այս քննարկմանը։ Եթե սա լիներ գեղարվեստական գիրք, մի քանի օրում կկարդայիր՝ կոնյակով, սուրճով, բայց նման լուրջ փաստաթուղթը անհնար է, մանավանդ որ՝ կոնյակ ու սուրճ էլ չեք տալիս»։