#Azerbaijan @presidentaz falsified the reality 110 times in just one tweet. It is not surprising at all!!! https://twitter.com/presidentaz/status/739762333594050561 …
Ալիևը փորձում է նմանակել նախագահ Սարգսյանին՝ կրկնելով 2010 թ նրա պատասխանը
«Ադրբեջանի նախագահը միայն մեկ թվիթում 110 անգամ խեղաթյուրում է իրականությունը: Դա զարմանալի չէ բոլորովին», - Twitter-ի իր միկրոբլոգում գրել է ՀՀ ԱԳՆ մամուլի խոսնակ Տիգրան Բալայանը՝ ի պատասխան նախօրեին Ադրբեջանի նախագահի կողմից կատարված մեկ այլ գրառման:
Մայիսի 6-ին Իլհամ Ալիևի Twitter-յան միկրոբլոգում հայտնվել էր հետևյալ գրառումը. «Հայաստանի նախագահը մեկ նախադասության մեջ չորս անգամ ստել է ԵԱՏՄ վերջին գագաթաժողովի ժամանակ»: Հիշեցնենք, որ Աստանայում մայիսի 31-ին կայացած Եվրասիական Տնտեսական Բարձրագույն խորհրդի նիստում Հայաստանի նախագահ Սերժ Սարգսյանը, մասնավորապես, ասել էր. «Հայաստանը չի կարող անմասն մնալ Ադրբեջանի կողմից Լեռնային Ղարաբաղի նկատմամբ ագրեսիվ գործողությունների դեպքում: Իհարկե, Ղարաբաղի ինքնապաշտպանական ուժերը արագ վերականգնեցին իրավիճակը՝ այն վերցնելով իրենց վերահսկողության տակ: Այստեղ կարևոր դեր խաղաց Ռուսաստանը, որին Ադրբեջանը դիմել էր զինադադարի ռեժիմի վերահաստատման խնդրանքով: Վիեննայում ԵԱՀԿ Մինսկի խմբի միջնորդությամբ հանդիպում կայացավ, որի ընթացքում պայմանավորվածություններ ձեռք բերվեցին վստահության ամրապնդման միջոցառումների՝ շփման գծում մշտադիտարկման և միջադեպերի հետաքննության մեխանիզմի հաստատման ուղղությամբ: Հայաստանը մտադիր է հետևողականորեն աշխատել այս պայմանավորվածությունների իրականացման ուղղությամբ և շարունակել փնտրել խաղաղ կարգավորում, որն առաջին հերթին հիմնված կլինի Լեռնային Ղարաբաղի ժողովրդի՝ սեփական ճակատագիրը տնօրինելու և ինքնորոշվելու իրավունքի վրա: Հայաստանը համաձայն է Մինսկի խմբի համանախագահների հետ, որ այդ սկզբունքը, ինչպես նաև ուժի կամ դրա սպառնալիքի չկիրառման սկզբունքները, և տարածքային ամբողջականության սկզբունքը հանդիսանում են ղարաբաղյան հակամարտության կարգավորման հիմքը»: Ալիևի բռնկումը սոցիալական ցանցում հավանաբար ուշացած արձագանքն է 2010 թ. հունիսի 23-ին Գերմանիայի Կոնրադ Ադենաուերի հիմնադրամում կայացած քննարկման ժամանակ նախագահ Սարգսյանի՝մասնակիցներից մեկին ուղղված պատասխանի հետ կապված: Հիշեցնենք, որ Հաջիբեյլի անունով ներկայացած անձը ՀՀ նախագահին էր ուղղել հետևյալ հարցը. «Ես ադրբեջանական մի գյուղից եմ` Աղդամի մոտակայքից: 92 թվականից իմ գյուղը գտնվում է հայ-ռուսական զինվորական միավորումների օկուպացիայի ներքո: 18 տարի է արդեն չեմ կարողանում վերադառնալ իմ հայրենի գյուղը: Այստեղից էլ իմ հարցը մեծարգո պարոն Սարգսյանին` մինչև ե՞րբ եք զբաղեցված պահելու իմ հայրենի գյուղը»: Հարցին ի պատասխան, նախագահ Սարգսյանն ասել էր. «Ես շատ ուղիղ կպատասխանեմ ձեր ուղիղ հարցին` այնքան ժամանակ, որքան դուք մեկ նախադասության մեջ չորս էական սխալ թույլ չեք տա»: Հիշեցնենք, որ Եվրոպայի Խորհրդի՝ Ընդդեմ ռասիզմի և անհանդուրժողականության հանձնաժողովը (ECRI) այսօր հրապարակած զեկույցում լուրջ մտահոգություն է հայտնել Ադրբեջանում երկար տարիներ շարունակվող հակահայկական քարոզչության կապակցությամբ: «Քաղաքական գործիչները, կրթական հաստատությունները և լրատվամիջոցները շարունակում են օգտագործել հայերի նկատմամբ ատելություն սերմանող լեզու: Ադրբեջանի մի ամբողջ սերունդ է մեծացել՝ լսելով այս ատելության հռետորաբանությունը: Հայաստանի հետ հաշտեցմանն ուղղված գործընթացքում նեգրավված ակտիվիստները խնդրահարույց մեղադրանքներով ձերբակալվել են», - ասված է ԵԽ հանձնաժողովի զեկույցում: Եվրոպայի խորհուրդը, որի խորհրդարանական վեհաժողովում այժմ նախագահում է պրո-ադրբեջանական կեցվածքով հայտնի իսպանացի պատգամավոր Պեդրո Ագրամունտը, այժմ մասնագիտական հանժնաժողովի մակարդակով կոչ է անում Ադրբեջանին վերջ դնել մշտական ատելության քարոզին, և խրախուսել փոխըմբռնման և վստահության կառուցման մթնոլորտը Հայաստանի և հայերի հետ հարաբերություններում: Այս զեկույցի հրապարակմանը գրեթե զուգահեռ Գերմանիայում գտնվող Իլհամ Ալիևը կանցլեր Անգելա Մերկելի հետ համատեղ մամուլի ասուլիսին հայտարարել է, որ Ադրբեջանում կա «ինտերնետի օգտագործման, կրոնի ազատություն» և ընթացիկ տարին հայտարարվել է բազմամշակութայնության տարի:
Հետևեք մեզ Viber-ում
