Էդ երեխաները կրա՞կն են ընկել, որ պատգամավորի երեխաներ են. ԱԺ փոխնախագահ
ԱԺ-ում այսօր «Ազգային անվտանգության մարմիններում ծառայության մասին» օրենքում լրացում կատարելու մասին նախագծի քննարկմանը ԱԱԾ պետի տեղակալ Արզուման Հարությունյանը տեղեկացրեց, որ այսպիսով բոլոր ծառայողները պետք է անցնեն Ծառայողների շարքերը պետք է համալրվեն նեղ մասնագիտական կրթություն պահանջող, գիտական աստիճան ունեցող եւ պարտադիր զինվորական ծառայությունից ազատված, պահեստազորում գրանցված անձանցով: Ինչպես նաեւ տեղեկացրեց, որ բարձրացվում է սպայական բարձրագույն կազմի ծառայողների համար թոշակի անցնելու սահմանված շեմը՝ 65 տարեկան: ԲՀԿ խմբակցության ղեկավար Նաիրա Զոհրաբյանը հայտարարեց, որ ոչ միայն ազգային անվտանգության ոլոտում, այլև բազմաթիվ կարևորագույն ռազմավարական ոլորտներում ունենք մասնագետների պակաս: «Մենք ոչ միայն այս, այլեւ մյուս լրջագույն ոլորտներում ունենք լավ մասնագետների կարիք, սակայն ինչո՞ւ դա արվի բանակ չգնացածների հաշվին: Մոնիթորինգ արե՞լ եք՝ բանակ ծառայողների մեջ չկա՞ն անհրաժեշտ որակավորում ունեցող մասնագետներ, քանի որ չծառայողների մեջ են բազմաթիվ պաշտոնյաների զավակներ, որոնք ասպիրանտուրայի քողի տակ զբաղված են դեզերտիրությամբ: Մտավախություն չունե՞ք, որ այդպիսով ԱԱԾ համակարգը կդարձնենք կադրերի նշանակման բյուրո՝ ահա, այդպիսի «գիտնականների» համար, որոնց գիտնական համարելը լրջագույն անպարկեշտություն կլիներ»: Հարությունյանը նշեց, որ օրենքի փոփոխությունները սահմանափակում չեն մտցրել նրանց համար, ովքեր գիտական աստիճան ունեն և ծառայում են բանակում, գիտական կոչում ունեցող գիտնականներ պետք են տարբեր բնագավառներում, իսկ Ազգային անվտանգության մարմիններում կադրերի ընտրությունը կատարում են կոնկրետ խնդիրներ լուծելու համար: «Բերեք, էդ քառակուսի բաներից դուրս գանք էլի: Իմ երեխաները փոքր են, դրա համար ազատորեն կարող եմ խոսել. այս բազմաթիվ պատգամավորների երեխաներ կարող են տաղանդավոր լինել, հիմա էդ երեխաները կրա՞կն են ընկել, որ պատգամավորի երեխաներ են»,- արձագանքեց ԱԺ փոխնախագահ Էդուարդ Շարմազանովը:
Հետևեք մեզ Viber-ում
