Քուվեյթի մասին բավականաչափ բան գիտեմ.Մանվել Բադեյան
«Քուվեյթում Հայաստանի դեսպան նշանակվելը ինձ համար անակնկալ չի եղել: Այդ մասին ակնարկներ դեռ վաղուց են եղել, սակայն անձնական տարբեր պատճառներով խուսափել եմ նման առաջարկներից», - Ազգային ժողովում լրագրողների հետ զրույցում ասաց անջամբ պատգամավոր Բադեյանը: «Ես Քուվեյթի մասին բավականաչափ բան գիտեմ, գոնե այն պատճառով, որ եղել եմ Քուվեյթում մի քանի անգամ։ Բարեկամական երկիր է մեզ համար, սերտ կապեր ունի Հայաստանի հետ: Քուվեյթում Հայաստանի նախկին դեսպանը բավականաչափ աշխատանք է կատարել և հայ-քուվեյթական հարաբերությունները բարեկամական են», - ասաց նա։ «Առավելագույն ջանքեր եմ ներդնելու երկկողմ հարաբերությունները զարգացնելու համար: Դա իմ պարտականություններից մեկն է, բոլոր ոլորտները՝ դա լինի քաղաքական, տնտեսական, թե մշակութային համագործակցություն, սրանք բոլորը պահանջում են զարգացումներ, և դեսպանի համար մեկ առաքելությունը հենց դա է՝ ամրապնդել կապերը երկու երկրների միջև», - նշեց Մ.Բադեյանը:
Հետևեք մեզ Viber-ում
