Գնացքների բախման հետևանքով կան զոհեր և վիրավորներ

BBC-ն հայտնում է,որ  Բելգիայում Լիեժ նահանգի Էրմալ-Սու-Ուի քաղաքի մերձակայքում  3 մարդ է զոհվել և 9-ն ստացել է վնասվածքներ ուղևորատար և բեռնատար գնացքների բախման հետևանքով: Գնացքում եղել է մոտ 40 ուղևոր: Բախման պահին շարժակազմը ընթացել է 90 կմ/ժ արագությամբ: 2 վագոն դուրս է եկել ռելսերից: Գնացքները շարժվել են միևնույն ճանապարհով, բացատրել են Infrabel ընկերությունում, որը ղեկավարում է Բելգիայի երկաթուղային ճանապարհները: Ուղևորատար գնացքը մխրճվել է բեռնատար գնացքի պոչամասի մեջ, հայտնում են տեղի ԶԼՄ-ները: Ֆրանսիական L’Avenir թերթը մեջբերում է ականատեսի խոսքերը, ով հայտնել է, որ ուղևորատար գնացքի մի քանի վագոն ամբողջությամբ ոչնչացել է: