Այս բանաձևի ընդունումը ոչ թե Թուրքիայի դեմ է, այլ...Լարիսա Ալավերդյան
«Շատ ուրախ եմ, որ երեկ Բունդեսթագի կողմից ընդունվեց Հայոց ցեղասպանությունը ճանաչող բանաձևը: Բայց մտահոգված եմ, որ շատերը կարծում են, որ սա ոչ թե Հայաստանի համար է, այլ՝ Թուրքիայի դեմ» ,-Հայելի ակումբում լրագրողների հետ հանդիպման ժամանակ ասել է «Ընդդեմ իրավական կամայականության» ՀԿ-ի նախագահ Լարիսա Ալավերդյանը: « Թուրքիայի ոչ պատշաճ պահվածքը Եվրոպայում չի ազդել Գերմանիայի վրա, սա պարզապես հիշեցում է, թե ում հետ գործ ունեն Եվրոպական երկրները» ,-հավելեց Լարիսա Ալավերդյանը և փաստեց ,որ այս փաստաթղթի ընդունումը կարևորում է հատկապես հակամերժողական առումով: Նա համոզված է, որ սա մեծ ազդակ է, որը պետք է դրական հետևանքներ ունենա Եվրոպայի հասարակության համար: Հայերն էլ պետք է հստակեցնեն, որ իրենք այդ ընտանիքի անդամ են: Տիկին Ալավերդյանը կարծում է, որ նախևառաջ Թուրքիայի կողմից պետք է առերեսում լինի իր պատմության մութ էջերի հետ:
Հետևեք մեզ Viber-ում
