Ո՞վ է ՀՀ ՊՆ տեղակալ-ՊՆ ռազմաարդյունաբերության պետական կոմիտեի նորանշանակ նախագահ Դավիթ Փախչանյանը

ՀՀ նախագահ Սերժ Սարգսյանի հրամանագրով Դավիթ Փախչանյանն այսօր նշանակվել է ՀՀ պաշտպանության նախարարի տեղակալ-ՊՆ ռազմաարդյունաբերության պետական կոմիտեի նախագահ: Դավիթ Փախչանյանը ծնվել է 1970թ. նոյեմբերի 6­-ին, Երևանում: Ավարտել է Երևանի Ֆիզիկամաթեմատիկական դպրոցը: 1992թ.- Մոսկվայի ֆիզիկատեխնիկական ինստիտուտ, 2010թ.- Մոսկվայի էկոնոմիկայի բարձրագույն դպրոց: Մոսկվայի ֆիզիկատեխնիկական ինստիտուտում ուսումն ավարտելուց հետո աշխատանքային գործունեությունը սկսել է «Ավիտ» ընկերությունում՝ որպես մենեջեր: 1998­-2013թթ. եղել է «Աերոսիբ» ավիափոխադրումների ընկերության գործադիր տնօրեն­համահիմնադիր: 2006թ.-­ից ծավալել է հասարակական գործունեություն՝ լինելով «Այբ» ակումբի, «Այբ» կրթական և «Բենհուր Փախչանյան» բարեգործական հիմնադրամի համահիմնադիր: 2014թ. եղել է «Արար» քաղաքակրթական հետազոտությունների հիմնադրամի համահիմնադիր­, հոգաբարձուների խորհրդի անդամ: 2014թ.-­ից առ այսօր հանդիսանում է «Դիլիջան կենտրոնական դպրոցի», իսկ 2015թ.-­ից նաև «Այբ» կրթական հիմնադրամների հոգաբարձուների խորհրդի նախագահ: Մոսկվայի ֆիզիկատեխնիկական ինստիտուտին կից անցել է ռազմական պատրաստություն, ունի պահեստազորի «լեյտենանտ» զինվորական կոչում: Ամուսնացած է, ունի մեկ երեխա: