«Հետևելու ենք սպասվող գործողություններին». Հայաստանում Գերմանիայի արտակարգ և լիազոր դեսպան
Հայաստանում Գերմանիայի արտակարգ և լիազոր դեսպան Մաթիաս Քիսլերը լրագրողների հետ զրույցում ասաց, որ կոռուպցիայի դեմ պայքարը ոչ միայն կառավարության կամ իշխանության խնդիրն է, այլ նաև ամբողջ քաղաքացիական հասարակության: «Շատ լավ է, որ կոռուպցիայի թեմայի շուրջ նման խոսակցություններ կան, որովհետև շատ երկրներում այդ թեման չի շոշափվում: Օրինակ, իմ երկրում` Գերմանիայում, 40 տարի առաջ կոռուպցիայի մասին ոչ ոք չէր համարձակվում խոսել, չնայած բոլորը գիտեին, որ կոռուպցիա կա»,-նշեց դեսպանը: Մաթիաս Քիսլերի խոսքով, նախարարը հավաստիացրել է, որ այս հարցը դրված է ամենաբարձր մակարադակով. «Եվ հիմա հետևելու ենք սպասվող գործողություններին»:
Հետևեք մեզ Viber-ում
